Kənan Doğulu dünən yemək yediyi restoranın işçilərinə küçədə bağırıb.
İfaçı Kilizada qardaşı Ozan Doğulu ilə yemək yeyib. Kənan Doğulu saat 23:00-da restorandan çıxmaq istəyəndə qapının ağzında jurnalistlərin olduğunu görüb və məkana yenidən qayıdıb. Özündən çıxan müğənni ofisiantlara "Mənim burda olduğumu müxbirlərə kim xəbər verib?” deyərək bağırıb.
Jurnalistlərin suallarına cavab vermək istəməyən ulduz köməkçisinə zəng edərək arxa qapıya iki maşın gətirmələrini xahi edib. Ulduz saat 02:10-da mətbəx qapısından çıxmalı olub. Buna baxmayaraq, yenə də papratsilərin əlindən xilas ola bilməyib.
İddialara görə, Kənan Doğulunun gecə boyu əhval-ruhiyyəsi pis olub, ayaq üstə durmaqda çətinlik çəkib. Səbəb kimi müğənninin 3 illik həyat yoldaşı Beren Saat ilə mübahisə etməsi irəli sürülüb./publika
İcmal.Az
