Beynəlxalq neft şirkətləri 2-ci rübü zərərlə başa vurub

OXUNUB: 6678 İQTİSADİYYAT DÜNYA
Koronavirus pandemiyası səbəbindən neftin qiymətindəki kəskin azalma neft şirkətlərinin maliyyə göstəricilərinə mənfi təsir göstərib.

 

7News.Az  xəbər verir ki, artıq bir çox irimiqyaslı enerji şirkətləri bu ilin II rübünü zərərlə başa vurub.

Məsələn, ABŞ-ın "ExxonMobil” enerji şirkəti bu ilin II rübündə 1,690 mlrd ABŞ dolları məbləğində zərərlə üzləşib. Halbuki şirkətin ötən ilin II rübündə 5,480 mlrd dollarlıq xalis mənfəəti olmuşdu. Bu ilin II rübündə ABŞ şirkətinin EBİTDA göstəricisi 44% azalaraq 8,403 mlrd dollar təşkil edib.

ABŞ-ın digər nəhəng enerji şirkəti "Chevron”da II rübü zərərlə başa vurub. Şirkət ötən ilin II rübündəki 6,954 mlrd dollarlıq mənfəətə qarşı bu ilin II rübündə 4,671 mlrd dollar zərərlə üzləşib. "Chveron”un EBİTDA göstəricisi 64% azalaraq 5,518 mlrd dollar olub.

Fransanın "Total” şirkətinin isə ilin II rübündə zərəri 8,335 mlrd dollar təşkil edib. Ötən ilin II rübündə şirkət 5,867 mlrd dollar mənfəət əldə etmişdi. Bu ilin II rübündə "Total”ın EBİTDA göstəricisi 44% azalaraq, 8,818 mlrd dollar olub.

Bu ilin II rübündə Norveçin "Equinor” şirkəti isə ötən ilin müvafiq dövründəki 3,186 mlrd dollarlıq mənfəətə qarşı 962 mln dollar zərərlə üzləşib. Şirkətin EBİTDA göstəricisi 40% azalaraq 6,968 mlrd dollar təşkil edib.

Bu ilin II rübünü "Shell” şirkəti isə 18,155 mlrd dollarlıq zərərlə başa vurub. Ötən ilin II rübündə isə şirkət8,999mlrd dollar mənfəət əldə etmişdi. Bu ilin II rübündə şirkətin EBİTDA göstəricisi 48% azalaraq 13,769 mlrd dollar təşkile edib.

BP şirkətinin isə II rübündə zərəri 18,285 mlrd dollar (replacement cost əsasında) olub. Ötən ilin II rübündə isə BP 3,870 mlrd dollar mənfəət əldə etmişdi.
 
 
7News.Az

RƏYLƏR