Bu gün Azərbaycan Premyer Liqasının II turun 2 oyunu keçiriləcək

OXUNUB: 919 İDMAN

Bu gün futbol üzrə Azərbaycan Premyer Liqasında II turun daha 2 oyunu keçiriləcək.

Qarşılaşmalar bölgələrdə təşkil olunacaq.

Əvvəlcə "Kəpəz"lə "Zirə" üz-üzə gələcək. Bu matç Gəncə şəhər stadionunun ot örtüyündəki təmir işləri ilə əlaqədar Yevlax şəhər stadionuna salınıb. İlk turda "Kəpəz" səfərdə "Sumqayıt"a 1:2 hesabı ilə uduzubsa, "Zirə" evdə eyni hesabla "Səbail"ə qalib gəlib. Ümumilikdə isə bu komandalar indiyədək 8 dəfə üz-üzə gəlib. Bunların 3-də "Kəpəz", 2-də "Zirə" üstün olub, 3 oyunda qalib müəyyənləşməyib. Topların nisbəti də "Kəpəz"in xeyrinədir - 10:8. Digər tərəfdən, əvvəlki qarşılaşmalarda səfər komandaları qələbə qazanmayıblar. Son 4 görüşdə meydan sahibi qol buraxmadan qalib gəlib. Saat 17:00-da başlanacaq matçı Rəvan Həmzəzadə idarə edəcək.

Turun son matçı isə "Qəbələ" ilə "Sumqayıt" arasında olacaq. Hər iki komanda ilk turu qələbə ilə başa vurub. Ev oyunundan qalib ayrılan "Sumqayıt" kimi "Qəbələ" də səfərdə "İnter"i yenməyi bacarıb - 2:1. Əvvəlki 20 matçın 13-də "Qəbələ”, 2-də "Sumqayıt” üstün olubsa, 5 görüşdə qalib müəyyənləşməyib. Topların nisbəti də "qırmızı-qaralar"ın xeyrinədir - 38:16. Bununla yanaşı, "Qəbələ” indiyədək baş tutmuş bütün oyunlarda qol sevinci yaşayıb. "Sumqayıt” isə 10 səfər qarşılaşmasında yalnız 1 xal qazanıb. Saat 20:00-da start götürəcək oyun FİFA referisi Əliyar Ağayevə tapşırılıb.

Azərbaycan Premyer Liqası

II tur

20 avqust (bazar)

17:00. "Kəpəz” – "Zirə”

Hakimlər: Rəvan Həmzəzadə, Yaşar Abbasov, Vüsal Qənbərov, Rəhim Həsənov

AFFA nümayəndəsi: Eldar Qasımov

Hakim-inspektor: Əhmədağa Cabbarov

Yevlax şəhər stadionu

20:00. "Qəbələ” – "Sumqayıt”

Hakimlər: Əliyar Ağayev, Rza Məmmədov, Akif Əmirəli, Ömər Paşayev

AFFA nümayəndəsi: Əsgər Əmirəliyev

Hakim-inspektor: Şahin Cəfərov

Qəbələ şəhər stadionu

Qeyd edək ki, ilk oyun günündə "Səbail" "Neftçi"ni, "Qarabağ" "İnter"i minimal hesabla yenib - 1:0./report

 

İcmal.Az

RƏYLƏR