Daha bir misirli müğənni çəkdiyi klipə görə saxlanılıb.
Laila Amer adlı müğənni klipində əxlaqsızlığı təbliğ etdiyinə görə tutulub. Beləliklə, o, noyabr ayından bəri saxlanılan 3-cü müğənni qadın olub.
Laila "Bos Omak" mahnısına çəkdirdiyi klipə görə tutulub. Buna səbəb isə həm klipdə təhrikedici, ehtiraslandırıcı hərəkətlərin olması, həm də söyüşə yer verilməsidir.
Youm7-nin məlumatına görə, çərşənbə axşamı günü saxlanılan müğənni iddiaları təkzib etsə də, hakim onu haqsız hesab edib. Onlar bu klipi "cəmiyyət üçün təhlükə" adlandırıblar.
Qeyd edək ki, ötən ilin noyabr ayında müğənni Şəimə Əhməd klipində təhrikedici formada banan yediyinə görə həbs edilib./milli
İcmal.Az
