"Azərbaycanda xroniki böyrək çatışmazlığından əziyyət çəkənlərin arasında 10-12 faiz artım var".
Bunu jurnalistlərə açıqlamasında Klinik Tibbi Mərkəzin Hemodializ şöbəsinin müdiri Mirhaşım Cəlalov deyib.
O bildirib ki, cənub bölgəsində bu xəstələlikdən əziyyət çəkənlərin sayı çox müşahidə edilir: "Ölüm halları isə il ərzində 600-700 nəfər arası olur. Bu xəstəlik demək olar ki, cavanlaşıb. Xəstəxanada 80 yaşından yuxarı 40 nəfər xəstə var.
Azərbaycanda hemodializlə müalicə alan xəstələrdən ən kiçiyinin 3, ən yaşlısının 85 yaşı var. Hazırda 15 yaşa qədər 6 xəstə var. Xəstələr 71 adda dərman və tibbi ləvazimatlarla Səhiyyə Nazirliyi tərəfindən tam təmin olunur. Hazırda "Xroniki böyrək çatışmazlığı" proqramı üzrə 719 nəfər böyrəkköçürülmə əməliyyatı aparılıb. Onlar 13 adda dərman preparatları ilə dövlət hesabına tam təmin olunurlar"./report
İcmal.Az
