Çavuşoğlu: “Asiyanın Qəlbi” - İstanbul Prosesi zamanla səsləşən və aktual bir hadisədir

OXUNUB: 890 SİYASƏT

"Asiyanın Qəlbi” - İstanbul Prosesi çərçivəsində görüş zamanla səsləşən və aktual bir hadisədir.

İcmal.Az-ın Trend-ə istinadən məlumatına görə, bunu Türkiyə XİN rəhbəri Mövlud Çavuşoğlu Bakıda "Asiyanın Qəlbi” - İstanbul Prosesi çərçivəsində "Güclü Asiyanın Qəlbi regionu naminə təhlükəsizlik və bağlılıq” mövzusunda VII nazirlər konfransında çıxışı zamanı deyib.

Nazir bildirib ki, bu, Əfqanıstanda sülhün təmin olunması üzrə birgə işə iştirakçı ölkələrin kollektiv dəstəyini gösətirir.

Qeyd edək ki, "Asiyanın Qəlbi - İstanbul Prosesi” Asiyanın Qəlbi regionunda sabitlik, sülh və çiçəklənmənin təşviqi və Əfqanıstanın bütün regionla bağlantısının genişləndirilməsi üçün siyasi dialoq və sıx regional əməkdaşlıq üçün vacib regional platformadır.

"Asiyanın Qəlbi - İstanbul Prosesi”ndə iştirak edən dövlətlər və təşkilatlar sırasına Əfqanıstan İslam Respublikası, Azərbaycan Respublikası, Çin Xalq Respublikası, Hindistan Respublikası, İran İslam Respublikası, Qazaxıstan Respublikası, Qırğızıstan Respublikası, Pakistan İslam Respublikası, Rusiya Federasiyası, Səudiyyə Ərəbistanı Krallığı, Tacikistan Respublikası, Türkiyə Respublikası, Türkmənistan, Birləşmiş Ərəb Əmirlikləri və Birləşmiş Millətlər Təşkilatı daxildir.

Bu proses çoxsaylı digər dövlətlər və beynəlxalq təşkilatlar tərəfindən də dəstəklənir. Regional sülh, sabitlik və çiçəklənməyə töhfə vermək əzminə və Əfqanıstanla ənənəvi dostluq əlaqələrinə malik olan Azərbaycan 2012-ci ildə "Asiyanın Qəlbi - İstanbul Prosesi”nə qoşulub.

İcmal.Az

RƏYLƏR