Türkiyənin xarici işlər naziri Mövlud Çavuşoğlu Hollandiya Parlamentinin 1915-ci il qondarma "erməni soyqırımını” tanımasına münasibətini bildirib.
Nazir bu qərarı İslam düşmənçiliyinin göstəricisi adlandırıb.
"Hollandiya parlamentinin 1915-ci il hadisələri ilə bağlı qərarı məcburi deyil”, - deyə nazir qeyd edib.
Qeyd edək ki, fevralın 22-də Niderland parlamentinin Aşağı Palatası 1915-ci il hadisələrini qondarma "erməni soyqırımı” kimi tanınması ilə bağlı təklifi qəbul edib. Qərar ölkədə türk diasporunun maraqlarını təmsil edən "Denk” Partiyasından başqa, bütün siyasi qüvvələr tərəfindən qəbul olunub.
Niderland Krallığının Ankaradakı səfirliyinin müvəqqəti işlər vəkili məsələ ilə bağlı fevralın 23-də Türkiyənin Xarici İşlər Nazirliyinə çağırılıb. /oxu
İcmal.Az
