Tennessi ştatının Nashville şəhərində güclü qasırğa nəticəsində 6 nəfər ölüb. Ən azı 80 min insanın elektrik kəsilməsindən zərər çəkdiyi bildirilib.
7NEWS.az xəbər verir ki, ABŞ-ın Tennessi ştatının Nashville şəhərində şiddətli fırtına nəticəsində biri uşaq olmaqla 6 nəfər ölüb, 25 nəfər yaralanıb. Elektrik enerjisinin kəsilməsini izləyən PowerOutage saytının məlumatına görə, dekabrın 9-na keçən gecə ştatda şiddətli tufanlar səbəbindən 80 mindən çox insan elektrik enerjisi ilə təmin oluna bilməyib.
7NEWS.az
