ABŞ-da başlanan "Alberto” tropik qasırğasının ilk qurbanları WYFF News 4 telekanalının müxbiri və fotojurnalisti olub.
İcmal.Az NBC telekanalına istinadla xəbər verir ki, hadisə Şimali Karolina ştatında baş verib. Güclü külək nəticəsində ağac jurnalistlərin olduğu maşının üzərinə aşıb.
ABŞ-ın Alabama, Florida və Missisipi ştatlarının rəhbərlikləri fövqəladə vəziyyət rejimi tətbiq ediblər.
Qeyd edək ki, "Alberto” suptropik qasırğası mayın 28-də Florida ştatının sahillərinə çatıb. Küləyin gücü saatda 72 kilometrə bərabərdir.
Ekspertlər hesab edir ki, "Alberto” qasırğası bir milyard dollardan çox ziyan vura bilər.
İcmal.Az
