7NEWS.az xəbər verir ki, Əfqanıstanın şimal əyalətlərini paytaxtla birləşdirən yeganə keçid olan Salanq tunelində yanacaq daşıyan tankerin partlaması nəticəsində 19 nəfər ölüb. Taliban müvəqqəti hökumətinin İctimai İşlər Nazirliyinin sözçüsü Mövləvi Həmidullah Misbah mətbuata verdiyi açıqlamada ötən gecə Salanq tunelində yanacaq daşıyan tankerin partlaması nəticəsində çoxlu avtomobilin yandığını bildirib. Misbah partlayış və yanğın nəticəsində 19 nəfərin həyatını itirdiyini, 32 nəfərin isə yaralandığını bildirib.
7NEWS.az
