Azərbaycan Respublikasının Gənclər Fondunun maliyyə dəstəyi ilə "SAF Həyat Naminə” Gənclər İctimai Birliyi tərəfindən "EKOMƏKTƏB - Gənclərin Ekoloji Maarifləndirmə Proqramı” adlı layihə başa çatdı.
Layihənin əsas məqsədi - cəmiyyətdə, xüsusilə də yetişməkdə olan yeni nəsil-məktəblilər və gənclər arasında, həyata keçiriləcək çoxsaylı ekoloji tədbirlər vasitəsilə geniş ekoloji maarifləndirmə işləri aparmaq və yetişməkdə olan yeni nəsildə ekoloji duyarlılığı formalaşdırmaqdır.
Layihə çərçivəsində ilkin olaraq ekoloji sahəyə marağı olan gənclər arasında sorğular keçirildi. Sorğu nəticəsində iştirakçılar müəyyən edildi. Cari ilin 25, 27, 28 sentyabr tarixlərində Xəzər Media Mərkəzində seçilmiş gənclərə Xəzər Media Mərkəzinin peşəkar aparıcı – jurnalist tərəfindən təlimlər keçirildi. Təlim iştirakçılara ümumi reportajların hazırlanması, reportajın məqsədi və nəticəsi haqda məlumat verilmişdir. Təlimin son günündə iştirakçılara ətraf mühitin qorunmasına dair (havanın çirklənməsi, su problemləri, təbiətin qorunması və s.) reportajların hazırlanması tapşırıq verildi , iştirakçılar fərdi və qrup şəklində tapşırıqları yerinə yetirilmişdirlər.
Verilən tapşırıq üzrə ekoloji sahədə video təqdimatlar hazırlandı və 19 oktyabr 2024-cü il tarixində layihə iştirakçıları yekun tədbirdə işlərini ekspertlərə təqdim etdilər. Yekun tədbirdə ekspertlər təqdimatçılar arasında 3 iştirakçını seçdilər. Seçim şərtləri əvvəlcədən iştirakçılara verilmişdir. Tədbirin sonunda qalib gələn iştirakçılara "SAF Həyat Naminə” Gənclər İctimai birliyi tərəfindən hədiyyələr, bütün iştirakçılara isə sertifikatlar təqdim edilmişdir. Qeyd etmək lazımdır ki, reportajların əsasında 3 veriliş hazırlanır və noyabr ayın sonuna qədər təşkilatın youtube kanalında (For Pure Life YPU) yerləşdiriləcək.
