Əlilliyi olan şəxslərin hüquqlarının pozulmasına görə inzibati cəzalar müəyyənləşir.
İcmal.az-ın məlumatına görə, bununla bağlı İnzibati Xətalar Məcəlləsinin 205-ci maddəsinə əlavə təklif edilir.
Təklif edilən 205.1-ci maddəyə əsasən, əlilliyi olan şəxslərin hüquqları haqqında qanunvericiliyi pozanlar 300 manatdan 500 manatadək məbləğdə cərimələnəcək.
Qanun layihəsində istehsalatda bədbəxt hadisələr və peşə xəstəlikləri nəticəsində əlilliyi müəyyən edilmiş şəxslərin yaşadığı fərdi evlərin onlar üçün uyğunlaşdırılması ilə bağlı xərclərin təqsirkar hüquqi və fiziki şəxslər, dövlət orqanları tərəfindən ödənilməməsinə görə də cərimə nəzərdə tutulur.
Bu hallara görə cərimənin məbləği isə 500 manatdan 1000 manatadəkdir.
Qanun layihəsi Milli Məclisin iclasında müzakirəyə çıxarılacaq.
