Ermənistanda hərbiçiləri daşıyan maşın qəzaya düşdü: Ölənlər var

Yanvarın 18-də Ermənistanda Sisyan-Şəki avtomobil yolunda hərbi maşının iştirakı ilə ağır yol qəzası baş verib

İcmal.Az shamshyan.com-a istinadən xəbər verir ki, Sisyan-Şəki maşın yolunda təxminən 09.20 radələrində "VAZ 2107” və "Ural” markalı avtomobillər toqquşub

Yol hadisəsi nəticəsində VAZ 2107-də olan Arşak Ovannisyan və Martik Ovannisyan həlak olub, yaralanan Elmira Sarkisyan isə Sisyan tibb mərkəzinə çatdırılıb.

Fakt üzrə Ermənistan Cinayət Məcəlləsinin 242 maddəsinin 3-cü hissəsi üzrə cinayət işi açılıb.

Qeyd edək ki, Ermənistan Müdafiə Nazirliyinin balansında olan "Ural” markalı maşında hərbi qulluqçular daşınıb. Hərbiçilər qəzadan xəsarət almayıb, onların başqa avtomobillə hərbi hissəyə aparıldığı bildirilir.