İcra başçısı bütün əmlaklarını satışa çıxarıb - Fotolar

OXUNUB: 1040 index-manşet SOSİAL HADİSƏ

İcra başçılarının həbsindən sonra əndişəyə düşən əksər vəzifəli şəxslər öz əmlaklarını, xüsusən də villalarını və bahalı maşınlarını satışa çıxarıb, yaxud da başqasının adına sənədləşdiriblər. 

7News.Az xəbər verir ki, bu haqda məlumatı "Hürriyyət” qəzeti yayıb. Yazıda bildirilir ki, hazırda elə rayon rəhbərləri var ki, onların sərvəti həbs olunan icra başçılarının sərvətindən nəinki on, hətta yüz dəfələrlə artıqdır. Qəzet bununla bağlı araşdırma apardığını, Nizami Rayon İcra Hakimiyyətinin başçısı Arif Qasımovun da bir sıra əmlakları satışa çıxardığını iddia edir.

Qeyd olunur ki, icra başçısı oğlunun adına və ikisinin dəyəri yarım milyon dollardan çox olan avtomobili (dövlət nömrə nişanının yalnız "9” rəqəmlərindən ibarət olduğu bildirilir) başqa şəxsin adına keçirilib. "Təkcə oğluna məxsus avtomobilləri deyil, son illərdə qanunsuz yollarla əldə etdiyi milyonlarla dollar dəyəri olan obyektlərini də müxtəlif şəxslərin adına rəsmiləşdirib”.

Yazıda A. Qasımovun icra başçısının varidatının bir qisminin siyahısı da verilib:

– Bakının Nizami rayonunda yerləşən, keçmiş OMON-un binasının yanında, 30 sot torpaq sahəsinin içərisində tikilmiş "Amazon” restoranı. Tikintinin sahəsi 1000 (min) kvadrat metrdir;

– Nizami rayonu, Elşən Süleymanov küçəsi 80-də, 8 sot torpaq sahəsinin içərisində yerləşən "Kölgə” restoranı. Tikintinin sahəsi 1000 (min) kvadrat metrdir;

– Nizami rayonunda  yerləşən məşhur "Neolit” restoranına şərikdir. Belə ki, bu restoranın səhmlərinin 50 faizi A.Qasımova məxsusdur;

– Nizami rayonu, Əli Vəliyev küçəsi 24-də ("Ruslan 93” kimi tanınan mağazanın arxasında) 8 nəfərin adına sənədləşdirilimiş torpaq sahəsi. Bölgüdə hər bir şəxin adına 10 sot torpaq sahəsi qeyd olunub. Bunların arasında icra başçısının qaynı və həyat yoldaşının adı da var. Ən maraqlısı isə odur ki, Arif Qasımov son vaxtlar bir çox əmlakı ilə yanaşı, sözügedən 80 sot torpaq sahəsini də satışa çıxarıb. Həmin ərazinin dəyəri təxminən 8 milyon manatdır;

– Sabunçu rayonu, Ramana qəsəbəsində, "Şuşa şəhərciyi” adlanan ərazinin yaxınlığında 150 hektara yaxın torpaq sahəsi. Hazırda bu ərazi də satışa çıxarılıb;

– Nizami rayonu, Rüstəm Rüstəmov küçəsində ("Xəzər” Universitetinin arxasında) əslən Şərurdan olan Elsevər adlı iş adamı ilə şərikli binalar. Hazırda bəzi binaların tikintisi davam edir. Tikintiyə icra başçısının oğlu nəzarət edir;

– 2011-ci ildə Nizaminin Bələdiyyə sədri olduğu vaxtlar qanunsuz yolla əldə etdiyi, Şərq küçəsi 40/85-də yerləşən və 10 nəfərin adına sənədləşdirilən torpaq sahəsi. Bölgüdə hər bir vətəndaşın adına 6 sot torpaq sahəsi rəsmiləşdirilib.

– Nizami rayonu, Şərifli küçəsi 808-ci keçiddə yerləşən qara mərmərdən üzlənmiş milyonlarla dəyəri olan villa. Mənbə deyir ki, bu villanın altında böyük yaşayış kompleksinin qarajı qədər geniş olan yeraltı qaraj var. Burada A.Qasımovun dəyəri milyonlarla dollar olan maşın kolleksiyası yerləşir. Bildirilir ki, villanın qarajında qiyməti 360 min dollar olan "Mercedes-Maybach”, 300-350 min dollarlıq "Gelendevagen Brabus”, 220 min dollarlıq "Mercedes GL”, həmçinin təxminən bu qiymətlərdə "Range Rover Sport”, "Mercedes S-klass” və s. markalı 30-a yaxın avtomobil var. 

– Nizami rayonunda, Vərəm Disponserinə yaxın ərzidə "Çayla” çay evi yerləşən 3 mərtəbəli bina. Çoxları həmin obyektin Rəcəb adlı şəxsə məxsus olduğunu düşünür, əslində isə icra başçısı onunla şərikdir. Üstəlik diqqətli oxucularımız ərazidən keçərkən görəcəklər ki, bu bina tikilən zaman kobud qanun pozuntusuna yol verilib. Belə ki, döngədə yerləşən bina yolun yarısını tutub.

– Xətai rayonu, Keşlə qəsəbəsində (NZS pivə zavodunun yanında) 4-5 ədəd villa və hər birinin qarşısında da obyektlər;

– Xızı rayonu, "6 ağac” adlanan ərazidə hektarlarla torpaq sahəsi;

– 2011-2015-ci illərdə Siyəzən rayonunda icra başçısı işləyən dönəmdə böyük ərazidə quşçuluq ferması açıb ki, hazırda da fəaliyyət göstərir.

 

İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar
İcra başçısı bütün əmlaklarını satışa çıxarıb - Fotolar

RƏYLƏR