İstanbulda AVM-dəki bir kosmetika mağazasında oğurluqda günahlandırılan 17 yaşlı B.C. adlı qızın depoda çılpaq soyundurularaq 33 dəqiqə boyunca üzərinin axtarılması görüntüləri ortaya çıxıb.
BNEWS.az Haberler-ə istinadən xəbər verir ki, görüntülər məhkəməyə təqdim edilib. Qızı alt paltarına qədər yoxlayan təhlükəsizlik əməkdaşı Zuhal A.-nın 5 il, Semiha A.-nın isə 1 il azadlıq məhrum edilməsi tələb edilir.
B.C. ifadəsində həmin yaşadıqlarını danışıb: "Axtarış zamanı 2 oğlan təhlükəsizlik əməkdaşı da var idi. Onlar arxalarını mənə çevirmişdilər. Depoda kamera var idi. Mağaza müdiri mənə tez-tez "Oğurluq etdin" deyirdi. Başıma vuraraq məni "Oğru, tərbiyəsiz" ifadələri ilə təhqir edirdi".
BNEWS.az
