7NEWS.az xəbər verir ki, Meksika prezidenti Andres Manuel Lopez Obradorun ölkədəki yataqların milliləşdirilməsini sürətləndirmək əmrindən sonra xarici şirkətlər Meksikada litium hasilatından kənarlaşdırılacaq.
Meksika hökuməti elektromobil akkumulyatorlarının istehsalı üçün həyati əhəmiyyət kəsb edən litium yataqlarını milliləşdirməyi planlaşdırır.
Litium ehtiyatlarının Meksikanın Energetika Nazirliyinə təhvil verilməsi ötən ilin aprelində Sonora ştatının Bacadehuachi şəhərində keçirilən tədbir zamanı 2500 kvadrat kilometr ərazini milli litium mədən sahəsi kimi təyin edən sənədin imzalanması ilə başladı. ABŞ-la həmsərhəd bölgə ölkənin ən böyük litium yataqlarına ev sahibliyi edir.
7NEWS.az
