Hüsniyyə Məhərrəmova "Üç nöqtə” layihəsinin yarımçıq bəndlərinə gözlənilməz cavablar verib.
Publika.az-ın qonağı olan məşhur aparıcı xəyanət etməyən kişiləri darıxdırıcı adlandırıb.
- İndiki ağlım olsaydı...
- Ağlım həmişə eyni səviyyədədir, deyə bilmərəm ki, nə isə dəyişib.
- Zəmanət verə bilərəm ki...
- Heç nəyə zəmanət verə bilmərəm.
- Dünyanı dəyişmək imkanım olsaydı...
- Dünyaya sülh bəxş edərdim.
- Bəşəriyyətin gələcəyi haqqında fikirləşəndə...
- Bu barədə fikirləşmirəm, çünki onu elə də yaxşı görmürəm.
- Kişilər o qadınlara xəyanət etmir ki...
- Yəqin ki, qadına xəyanət etməyən kişi çox darıxdırıcıdır.
- Seviləsi qadın olmağın ilkin şərti...
- Hər xanımın, ümumiyyətlə, hər insanın xarakteri fərqlidir. Belə bir fikir var ki, hər məhsulun öz alıcısı olur. Odur ki, sevilməyən qadın yoxdur. Loru dildə desək, ola bilsin ki, sadəcə o xanım hələ öz "alıcısı” ilə qarşılaşmayıb.
- Qadınlar yaşını ona görə gizlədir ki...
- Ətrafımda yaşını gizlədən qadınlar yoxdur. Yaş məsələsi mənim üçün heç vaxt kompleks olmayıb, 36 yaşım var.
- Qadına qarşı şiddət...
- Əlbəttə ki, pisdir.
- Vicdanıma and olsun ki...
- İmkanım olsaydı, dünyanı dağıdardım.
- Təəssüf edirəm ki...
- Dünyanı dağıda bilmirəm (gülür).
- Vanqa nənə ilə görüşsəydim...
- Heç nə soruşmazdım. Vanqa olmasa da, başqa bir adamdan öz gələcəyim haqqında soruşmaq imkanım olub, amma heç nə soruşmadım. Sabahımı bilicəyəmsə, onda niyə yaşayıram ki? Bu, çox darıxdırıcı olar.
- Küsülü olduğum insana demək istəyirəm ki…
- Get hoppan.
- Ən böyük səhvim o olub ki...
- Ən böyük səhvim hələ olmayıb. Qarşıdadır.
- Tənhalıq insan üçün lənətdir, yoxsa...
- Tənha yaşayan adamın həyatı çox maraqsız olar.
- Kiminsə yalan danışdığını hiss edəndə...
- Elə həmin an o adamın üzünə deyirəm ki, mənə danışırsan. Çəkinmirəm.
- Allah insanları ona görə qeyri-bərabər yaradıb ki...
- Dünya daha maraqlı olsun.
- Günahlarım yadıma düşəndə...
- Siyahı tuturam.
- Övladlarıma ən çox onu məsləhət görürəm ki…
- Günahları da, səhvləri də çox ola bilər, lakin əsas odur ki, mənalı ömür yaşasınlar.
- İlahi ədalətə inancımı o zaman itirdim ki…
- Həyatda heç nə eyni ola bilməz axı. Bəzən ədalətsizliklə qarşılaşırıq, bəzən də ədalətin öz yerini tutduğunun şahidi oluruq. Ümumilikdə ədalətin var olduğuna inanıram.
- Heç vaxt heç kimə icazə vermirəm ki...
- Heç kimə nəyisə qadağan etmək olmaz, hamıya hər şeyi icazə verirəm. Amma kimsə mənə qarşı xoşagəlməz addım atıbsa, onunla mübahisəm bundan sonra başlayır.
- O zaman düşünmədən riskə gedirəm ki...
- Həmişə riskə gedirəm, adrenalin və həyəcan hissindən zövq alıram.
- Hər dəfə çıxılmaz vəziyyətə düşəndə...
- Bütün çıxılmaz vəziyyətlərin bir çıxış yolu var. Onu axtarıb tapmaq insanın özündən asılıdır.
- Yaxşı gündə, pis gündə...
- Valideynlərim hər zaman yanımda olsun.
- Çox sağ olun. Biz sizə ancaq yaxşı günlər arzu edirik.
- Minnətdaram./publika
İcmal.Az
