7NEWS.az xəbər verir ki, Pakistanın neft üzrə dövlət naziri Musadiq Malik bildirib ki, Pakistan milli valyutası ilə ödənişlər də daxil olmaqla idxal üçün bütün kommersiya şərtləri ilə bağlı razılıq əldə edildikdən sonra aprel ayında Rusiyadan xam neft almağa başlayacaqlar.
Pakistan Rusiya ilə razılaşmaya uyğun olaraq vahid enerji təhlükəsizliyi planını hazırlamağa başlayıb. Plan Rusiyadan xam neft, mayeləşdirilmiş təbii qaz (LNG), boru kəməri qazı və digər yanacaqların idxalını nəzərdə tutur.
Pakistanın gələn qış mövsümündə iki Rus şirkətindən spot LNG partiyaları ala biləcəyini izah edən Malik, şirkətlərin Rusiya hökuməti tərəfindən müəyyən ediləcəyini söylədi.
