Rusiya daha bir azərbaycanlını İnterpol xətti ilə beynəlxalq axtarışa verib.
İcmal.Az xəbər verir ki, bu barədə məlumat İnterpolun saytında yerləşdirilib.
Məlumatda qeyd olunur ki, 37 yaşlı Elnur Həsənov terrorçuluqda, terrorçuların düşərgəsində təlim keçməkdə və qeyri-qanuni silahlı birləşmələrə qoşulmaqda ittiham olunur.
E. Həsənov Rusiyanı tərk etdiyi üçün barəsində dövlətlərarası axtarış elan olunub və saxlanılması üçün İnterpola müraciət edilib.
Qeyd edək E. Həsənov Mingəçevir şəhərində doğulub.
İcmal.Az
