İŞİD terror təşkilatı Mosulda son iki gündə 120-yə yaxın sivil vətəndaşı qətlə yetirib.

Bu barədə İraq Operativ Müdaxilə Qüvvələrinin rəsmisi Darqam əl-Heydəri məlumat verib.

Onun sözlərinə görə, terrorçular şəhərdəki atışmalardan qaçan əhalini atəşə tutublar. Zəncili məhəlləsində son iki gündə 120 dinc sakinin cəsədi tapılıb.

Əl-Heydəri 70-i qadın və uşaq olmaqla 150-dən çox insanı atışma bölgəsindən təxliyyə edə bildiklərini də söyləyib:

"Hazırda Zəncili bölgəsinin 40 faizi terrorçulardan alınıb. Sivillərin təxliyyə edilməsi üçün təhlükəsizlik koridorları yaradırıq”.

Qeyd edək ki, Mosulun İŞİD-dən alınması üçün əməliyyatlar ötən ilin 17 noyabrında şəhərin şərq hissəsində başlayıb. Şərq hissə tamamilə azad edildikdən sonra bu ilin 19 fevralında qərb hissəsin alınması üçün əməliyyatlara start verilib.

İraq ordusu 1 həftədir Zəncili, Şəfa, Sahha və əl-Ula bölgəsini terrorçulardan almaq üçün əməliyyatlar keçirir./.qafqazinfo

 

İcmal.Az