İndoneziyanın Cokyakarta şəhərində yerləşən De ARCA mum fiqurlar muzeyinin əməkdaşları Osventsim həbs düşərgəsinin improvizə edilmiş girişi fonunda duran Adolf Hitlerin heykəlini hüquq müdafiəçilərinin tənqidlərindən sonra ekspozisiyadan çıxarıblar.
Art-obyekt Simon Vizental Mərkəzi, yəhudi hüquq müdafiə təşkilatının nümayəndələri tərəfindən tənqid olunub.
"Biz qəzəb yaratmaq istəmirdik. Hitlerin fiquru maarifləndirmə məqsədi ilə muzeydə saxlanılır", — deyə muzey rəhbəri Ceymi Misbax bildirib.
Əhalinin böyük əksəriyyətinin İslam dininə etiqad etdiyi İndoneziyada Holokost tarixi az diqqətə alınır./report
İcmal.Az