Ağcabədi sakininin evindən silah-sursat aşkarlanıb.
İcmal.Az Trend-ə istinadən bildirir ki, Ağcabədi Rayon Polis Şöbəsinin əməkdaşları əldə etdikləri əməliyyat məlumatı əsasında rayon sakini Aslan Rüstəmzadənin evinə baxış keçiriblər.
Evdən 1 ədəd "Makarov", 1 ədəd "Reck-Cobra" markalı qaz tapançaları, 44 ədəd travmatik patron, 2 qandal və 1 ədəd nunçaqi aşkar edilərək götürülüb.
Saxlanılan şəxs maddi sübutlarla birgə istintaqa təhvil verilib.
Faktla bağlı cinayət işi başlanılıb.
İcmal.Az
