7NEWS.az xəbər verir ki, Azərbaycan Respublikasının Qeyri – Hökumət Təşkilatlarına Dövlət Dəstəyi Agentliyinin maliyyə dəstəyi ilə 2022-ci ildə yaradılmış "Birlikdə Gələcək Naminə" koalisiyasının üzv təşkilatları "Azərbaycan Sahibkar Qadınlar Forumu”, "Gənclər Azad Sahibkarlıq Fəaliyyətində” İctimai Birliyi , "SAF Həyat Naminə” Gənclər İctimai Birliyi birgə həyata keçirdikləri "Ailə dairəsində: müasir ailənin problemləri” adlı layihəsinin icrasına başlanmışdır. Layihənin əsas məqsədi - yetkinlik yaşına çatmayan qızların erkən nikahların və qohumlar arasında nikahların qarşısının alınması, müasir ailənin problemlərinin həlli yolların axtarılmasıdır. 17 aprel 2023-ci il tarixindən Xəzər FM (103) radiosunda həftədə 5 gün bu mövzü ətrafında ekspertlərlə müzakirələr olacaq. Efirə olan zənglər onlar tərəfindən cavablandırılacaq. Layihə çərçivəsində çəkilməsi nəzərdə tutulan "Gərçəklənməmiş arzular” adlı sosial film üzərində hazırlıq işlər yekunlaşmaq üzrədir. Növbəti mərhələdə cənub regionunda Biləsuvar, Neftçala, Lənkaranda dəyirmi masaların keçirilməsi, mövzu ətrafında müzakirələrin aparılması planlaşdırılmışdır.
