Yeni və hərtərəfli beynəlxalq araşdırma, 30 il əvvələ nisbətən Qrenlandiya və Antarktika buz təbəqələrindən üç dəfə çox buzun itirildiyini müəyyən etdi.
7NEWS.az xəbər verir ki, 50 fərqli peyk təxminindən istifadə edərək, araşdırma göstərdi ki, dünyada şirin su buzunun 99 faizini ehtiva edən bu iki buz təbəqəsinin ərimə sürəti indi daha qabarıq şəkildə özünü göstərir. Tədqiqatçılar, ərimənin sürətlənməsinin insan fəaliyyəti nəticəsində yaranan iqlim dəyişikliyi ilə bağlı olduğunu vurğuladılar.
Nəticənin təəccüblü olmadığını, əksinə narahatlıq doğurduğunu vurğulayan mütəxəssislər araşdırmalar sayəsində buz təbəqələrinin iqlim dəyişikliyinə nə qədər tez reaksiya verdiyinin öyrənildiyini bildiriblər.
7NEWS.az
