"Azərbaycanın ən ağrılı problemi olan Ermənistan-Azərbaycan, Dağlıq Qarabağ münaqişəsinin həllində Ermənistanın destruktiv siyasətinə görə irəliləyiş yoxdur”. Bunu bu gün Türkdilli Dövlətlərin Əməkdaşlıq Şurasının VII Zirvə Görüşündə Azərbaycan Prezidenti İlham Əliyev deyib. Dövlət başçısı bildirib ki, Ermənistan 30 ilə yaxındır, beynəlxalq hüququn norma və prinsiplərini kobud şəkildə pozaraq Azərbaycana qarşı işğalçılıq siyasətini davam etdirir: "İşğal olunmuş ərazilərdə etnik təmizləmə siyasəti aparılır və 1 milyona yaxın soydaşımız qaçqın və məcburi köçkün vəziyyətinə düşüb. Həmin ərazilərdə Azərbaycan xalqına məxsus tarixi-mədəni irs, İslam abidələri və məscidləri dağıdılıb, məhv edilib. Ermənistan müsəlman ölkələri ilə sıx əməkdaşlıq qurmağa çalışır. Ancaq dünya müsəlmanları üçün müqəddəs olan məscidləri dağıdan Ermənistan müsəlman ölkələri ilə dost ola bilməz. Dinimizə qarşı edilən bu vandallıq Ermənistanın islamofob xislətini nümayiş etidirir”. Prezident İlham Əliyev qeyd edib ki, münaqişə ilə bağlı BMT Təhlükəsizlik Şurasının 4 qətnaməsi qəbul edilib: "Bu qətnamələrdə işğalçı qüvvələrin Azərbaycan torpaqlarından qeyd-şərtsiz və tam çıxarılması birmənalı olaraq tələb edilir. Eyni zamanda Qoşulmama Hərəkatı, ATƏT, İslam Əməkdaşıq Təşkilatı, NATO, Avropa Parlamenti, Avropa Şurası və digər təşkilatlar buna oxşar qərarlar və qətnamələr qəbul edib. Ermənistan bu qətnamə və qərarların tələblərinə məhəl qoymur, beynəlxalq hüquqi öhdəliklərin icrasından boyun qaçırır”. Dövlət başçısı nəzərə çatdırıb ki, Dağlıq Qarabağ Azərbaycanın tarixi və əzəli torpağı, ayrılmaz hissəsidir: "Münaqişə beynəlxalq hüququn norma və prinsiplərinə uyğun olaraq Azərbaycanın ərazi bütövlüyü çərçivəsində həll olunmalıdır. Türkdilli Dövlətlərin Əməkdaşlıq Şurasının Zirvə görüşlərinin yekun bəyanatlarında da dövlətlərin ərazi bütövlüyü, suverenliyi və sərhədlərinin toxunulmazlığına dəstək davamlı ifadə olunur. Fürsətdən istifadə edərək Dağlıq Qarabağ münaqişəsinin Azərbaycanın ərazi bütövlüyü çərçivəsində ədalətli həllini dəstəkləyən tərəfdaşlarımıza təşəkkür edirəm”.
Ana səhifə
/
GÜNDƏM / DAĞLIQ QARABAĞ MÜNAQİŞƏSİ / SİYASƏT / Azərbaycan Prezidenti: “Müsəlmanlar üçün müqəddəs olan məscidləri dağıdan Ermənistan müsəlman ölkələri ilə dost ola bilməz"
RƏYLƏR
DİGƏR XƏBƏRLƏR
-
-
Leyla Abdullayeva: Qanunsuz rejimin “təmsilçisi”nin Moskvaya getməsi ilə bağlı məlumat araşdırılır
06.11.2019, 11:52 / GÜNDƏM, DAĞLIQ QARABAĞ MÜNAQİŞƏSİ, SİYASƏT -
Gələn il Avropa Məhkəməsində azərbaycanlı girovlarla bağlı dinləmələr keçirilə bilər
04.11.2019, 10:57 / GÜNDƏM, DAĞLIQ QARABAĞ MÜNAQİŞƏSİ, SİYASƏT -
Atəşkəs iriçaplı pulemyotlar və snayper tüfənglərlə 22 dəfə pozuldu
02.11.2019, 11:36 / GÜNDƏM, DAĞLIQ QARABAĞ MÜNAQİŞƏSİ, SİYASƏT -
Dövlət Departamenti: ABŞ Dağlıq Qarabağ münaqişəsinin danışıqlar yolu ilə nizamlanması üzrə işini davam etdirəcək
01.11.2019, 14:34 / GÜNDƏM, DAĞLIQ QARABAĞ MÜNAQİŞƏSİ, SİYASƏT -
Cəbhədə atəşkəsi snayperlər pozdu
31.10.2019, 10:38 / GÜNDƏM, DAĞLIQ QARABAĞ MÜNAQİŞƏSİ, SİYASƏT -
Müdafiə Nazirliyi cəbhədəki vəziyyətlə bağlı məlumat yayıb
30.10.2019, 11:12 / GÜNDƏM, DAĞLIQ QARABAĞ MÜNAQİŞƏSİ, SİYASƏT -
Atəşkəs iriçaplı pulemyotlarla pozuldu - 21 dəfə
29.10.2019, 11:37 / GÜNDƏM, DAĞLIQ QARABAĞ MÜNAQİŞƏSİ, SİYASƏT