İnterpress.az-ın əldə etdiyi məlumata görə, 21 yaşlı A.Əhmədova bu dəfə Bakı metrosunda foto çəkdirmək üçün özünü təhlükəyə atıb.
Belə ki, o, metronun Nəriman Nərimanov stansiyasında qatarın relsləri üzərində çəkdirdiyi fotonu sosial şəbəkədə paylaşıb.
A.Əhmədova bununla yanaşı, "İnstagram" hesabındakı status bölməsində paylaşdığı videogörüntü ilə onun sözügedən metro stansiyasında gecə saat 4-də olduğu məlum olub.
Sosial şəbəkə istifadəçinin metronun işləmədiyi bir vaxtda stansiyada olmasının səbəbləri məlum deyil.
Məlumat üçün bildirək ki, Bakı metrosu səhər saat 06:00-dan axşam saat 00:00-a qədər sərnişinlərin istiafdəsinə verilib.
Xatırladaq ki, "Bakı Metropoliteni" QSC-nin daxili qaydalarına görə, metro stansiyalarında qanunsuz foto və video çəkiliş aparmaq qadağan edilib.