Bak覺
+16簞C
1.7025
1.7323
 /   /  Goranboyun icra başçı avtobioqrafiyasını təzələyir Mantyor, ofisiant, kankan, qum-çınqıl satan icra başçıları

Goranboyun icra başçı avtobioqrafiyasını təzələyir Mantyor, ofisiant, kankan, qum-çınqıl satan icra başçıları

13 Avqust 2020, 13:41  /  OXUNUB: 2330  /  HADİSƏ
Çox qəribə zəmanəyə gəlib çıxdıq. 100-150 minlik rayonların icra başçılarının tərcümeyi-halına baxanda adam az qala havalanır. Axı bunlar sıradan biri, yaxud hansısa idarənin rəisi deyil e, 100 minlik rayonun rəhbəri, el dilində desək ağsaqqalıdır. AXC hakimiyyəti dövründə eşidəndə ki, mantyoru filan rayona icra başçısı qoyublar hamı gülürdü. Axı mantyor hara, icra başçısı hara ? Mantyoru ən yaxşı halda işıq idarəsinə qoymaq olar. Son vaxtlar işdən azad edilən, hətta hazırda həbsdə olan bəzi icra başçıları haqqında deyirlər ki, filan kafedə ofisiant işləyib. Vallah, gülməli olduğu qədər də ağlamalı, faciəlidir. Axı, kafedə ofisiant işləyən adam böyük bir rayonu necə idarə edə bilər? Ona görə də hazırda yeri həbsxanadır. Yenə yaxın keçmişimizə qayıdaq. AXC dövründə bir nəfəri kənd təsərrüfatı nazirinə 1-ci müavin təyin etmişdilər. Sonuncu iş yeri ilə bağlı əmək kitabşaçısnda yazılmışdı: filan kənddə kafe müdiri işləyib. Ey xanə-xərəb! Kənddə kafe-restoran harda idi ? Yol qırağında ağacların altında,kolların arasında 3-4 sınıq stol-stul qoyub çay-zad verirdilər, 2 nəfər də işçi olurdu. Onun biri də "müdir”. Belə kadrların yarıtmaz fəaliyyətidir ki, bu gün yüksək vəzifələrə elə şəxslər təyin olunur ki, adam deməyə söz tapmır. Maraqlıdır ki, bu icra başçılarının bəziləri öz həqiqi tərcümeyi –hallarını cəmiyyətdən gizləməyə çalışırlar. Ancaq atalar demişkən, yalanla, o biri məlum işin ömrü 40 gün çəkir. Amma indi sürət-internet əsridir, heç 4 gün də çəkmir. İndi keçək ömrünün yarısını icra başçısı kreslosunda keçirən Məhərrəm Quliyevə. Məhərrəm Quliyev hələ Ağstafanın icra başçısı olanda öz imzamla ona açıq məktub yazmışdım ki, 35 il harada olmusan, əsgərlikdə olubsanmı, məktəbə-işkola-zada getmisənmi, ali təhsilin varmı, ay icra başçısı ? Sonradan Məhərrəm Quliyev əsgərliyi və guya Allah qoymasa Kənd təsərürfatı akademiyasında oxumağı ilə bağlı tərcümeyi-halına 2 cümlə əlavə etdi. Yenə suallar qaldı. Ayy Məhərrəm müəllim ! Çox sağ ol yazdıqlarımdan nəticə çıxardıb yazmısan ki: 13 aprel 1968-ci ildə Lənkəranda anadan olmuşam. Azərbaycan Kənd Təsərrüfatı Akademiyasını bitirmişəm. 1986-1988-ci illərdə hərbi xidmətdə olmuşam. Cənab başçı ! Əsgərlik dövrün Qarabağ müharibəsinə təsadüf edir. Lap tutaq ki, vuruşmamısan, bəs harda hərbi qulluqda olmusan ? Bəlkə dövlət sirridir, ay Məhərrəm müəllim ? Deyirsən keçmiç "Asxi”ni ( indiki KTA ) bitirmisən. Ayy yoldaş neçənci ildə, hansı fakültəni bitirmisən ? Bunu 1-cə cümlə ilə yazmaq nə problemdir ? Yeri gəlmişkən, Xızının icra başçısı Xəzər müəllim haqqında 2 il yazandan sonra özü yox, 1-ci müavini cavab verdi ki, o da KTA-nı bitiirb. Soruşdum neçənci ildə bitirib. Dedi vallah bilmirəm.Sonda naəlac qalıb soruşdum ki, cənab başçı KTA-nın hansı fakültəsini bitirib. Cavabı belə oldu. Politologiya fakültəsini. Kənt təsərrüfatı,aqrar akademiya hara POLİTOLOGİYA hara? Bax, Məhərrəm müəllim, hazırda vəziyyət belədir. İndi sizdən xahiş edirik avtobioqrafiyanızda qeyd edin görək Asxi-də neçənci illərdə oxumusunuz və hansı fakültədə ? Sonra sizin Əlikram Hümbətovun qatı təbliğatçısı olmağınız haqda mediada çox yazırlar. Niyə münasibət bildirmirsiniz ? Susmaq razılıq əlamətidir axı. Cənab başçı yazırsınız ki: "Lənkəran rayonunda müxtəlif vəzifələrdə çalışmışam, 2003-cü ildən Lənkəran şəhər İcra hakimiyyəti başçısının müavini işləmişəm”. Necə yəni müxtəlif vəzifələrdə ? 2003-cü ildə sizin 35 yaşınız var idi. Bəs 35 il harda olmusan, nə iş görmüsən ? Yazırsan ki: " 3 ildən sonra 2006-cı ildən Azərbaycan Respublikası Prezidenti Administrasiyasının Regional idarəetmə və yerli özünüidarəetmə orqanları ilə iş şöbəsinin baş məsləhətçisi oldum”. PA məsləhətçi, özü də baş məsləhətçi... Məhərrəm müəllim, orda kimlərə və nə məsləhət verirdin ? Deyirlər Əhəd Əbiyev də orda nəsə verirmiş.. Növbəti yazıda daş karxanasında PA-ya baş məsləhətçi gələn başqa bir icra başçısından bəhs edəcəyik. 

RƏYLƏR

Xəbər lenti

KÖŞƏ

ƏN ÇOX OXUNANLAR