Gürcüstan-Ermənistan yaxınlaşması - Zəngəzur narahatlığı, yoxsa...

OXUNUB: 520 GÜNDƏM SİYASƏT
Azərbaycanın nəqliyyat habına çevrilməsini rəsmi Tiflis qısqanclıqla qarşılayır; regional layihələrdən ən çox qazanan Gürcüstanın son davranışlarına münasibət birmənalı deyil; ekspertlərin fərqli baxışları

Gürcüstanın Ermənistanla strateji tərəfdaşlıq sazişi imzalaması Azərbaycanda birmənalı qarşılanmayıb. Tiflisin Azərbaycanla sülh sazişi imzalamayan, hələ də revanşist əhval-ruhiyyədə olan bir ölkə ilə strateji tərəfdaşlığa qədər getməsi istər-istəməz bəzi suallar meydana gətirir. Azərbaycanın icra etdiyi regional layihələrdən ən çox qazananın Gürcüstan olduğunu xatırladan siyasi analitiklər bildirir ki, buna rəğmən gürcü hökumətinin bu cür davranışı böyük təəssüf doğurur. Gürcüstanın son zamanlarda sərgilədiyi mövqe uzun illər Azərbaycanla davam edən ikitərəfli əlaqələrin, dostluq münasibətlərinin ruhuna zidd görünür. Bəzi siyasi ekspertlər isə hesab edir ki, 44 günlük müharibənin nəticələrindən biri kimi Zəngəzur dəhlizinin açılması məsələsinin meydana gəlməsi əslində Gürcüstanı heç də məmnun etmir. 

Ona görə də Gürcüstan Ermənistanla strateji tərəfdaşlıq sazişi imzaladı. Bundan az öncə isə AŞ PA-da Azərbaycan nümayəndə heyəti ilə bağlı məsələnin müzakirəsinə və səsverməyə qatılmadı. Bəs Tiflisin son zamanlar Azərbaycana xoş olmayan davranışlarında Zəngəzur dəhlizi məsələsində Azərbaycanın təkid etməsi amili dayana bilərmi? Tiflis bu dəhlizin açılacağı halda tranzit ölkə kimi bölgədə əhəmiyyətinin azalacağından narahat olaraq bu addımları atır, yoxsa başqa səbəblər var?
 
Elşən Musayev: Xarici diplomatların Şuşaya səfəri əsl həqiqətlərin dünya ictimaiyyətinə çatdırılması baxımından çox önəmlidir - AZƏRTAC
 
Elşən Musayev 

Avropa Şurasının Parlament Assambleyasında Azərbaycan nümayəndə heyətinin üzvü, Demokratik Maarifçilik Partiyasının sədri Elşən Musayev "Yeni Müsavat”a bildirdi ki, Azərbaycan inkişaf etdikcə, qələbələr qazandıqca, nəinki təxmin etdiklərimiz, hətta etmədiklərimiz belə bizə qarşı yanlış addımlar atır. Təəssüf ki, Gürcüstanın Ermənistanla bağladığı strateji tərəfdaşlıq haqda saziş də həmin qəbildəndir: "Zəfərin, müvəffəqiyyətin bədəli budur: hamı anındaca səni qısqanmağa başlayır, hamının əsl siması üzə çıxır, hamı özünü qəribə aparmağa başlayır. Təbii, ən yaxınlardan, sənə münasibətdə ən səmimi olanlardan başqa.

Əvvəl də Gürcüstanla bağlı oxşar mövzu ətrafında müzakirələr aparmışdıq, onları qınamışdıq, qonşuluq fəlsəfəsinə adekvat olmayan siyasət yürütdüklərini nəzərlərinə çatdırmışdıq. Ələlxüsus da Ermənistana silahların daşınmasında rol aldıqlarına görə. Düşündük, səhvlərini anlayarlar, geri dönüş edərlər, Azərbaycanın dostca, ərkyanə etdiyi tənbehlərdən nəticə çıxararlar. Amma çifayda. Nəticə çıxarmadılar. Əksinə, necə deyərlər, bir az da üstünə qoydular.

Burada əsasən xristian faktorunu qabardırlar. Mən isə məlum fikirlə, yanaşma ilə qətiyyən razı deyiləm. Çünki qonşuluq siyasətində din faktoru qabarmamalıdır, həlledici faktora çevirilməməlidir. Çünki cografi bağlılıq ömürlükdür, bunu nəzərə almaq lazımdır. Çünki həmin Gürcüstanın ən çətin günündə onun köməyinə Ermənistan ya da hansısa xristian dövləti deyil, məhz Azərbaycan çatıb. Üstəlik, bu faktı zaman-zaman Gürcüstanın siyasi elitasında qərarlaşan əksər insanlar, xüsusən də eks-prezident Mixail Saakaşvili dəfələrlə vurğulayıb. Amma demək ki, bir tək zəfərlərin, qələbələrin deyil, elə yaxşılıqların da tərs bədəli olurmuş. Ona görə də çox təəssüf.  Gürcüstan Zəngəzur dəhlizinə görə gələcəkdə transit ölkə kimi əhəmiyyətinin azalacağını düşünərək Azərbaycanın xeyrinə olmayan addımlara gedirsə, Ermənistanla strateji tərəfdaşlıq sazişi imzalayırsa, yanlış edir. 

Əlbəttə ki, proses belə davam etsə, biz də gedişata uyğun davranacağıq və milli maraqlarımıza toxunan hər kəsin cavabını layiqli şəkildə verəcəyik".   
 
Elxan Şahinoğlu:
 

RƏYLƏR