7NEWS.az xəbər verir ki, İspaniyanın Əndəlus Muxtar Administrasiyasına bağlı olan sahilyanı Huelva şəhərində mənzildə naməlum səbəbdən yanğın baş verib. Əndəlus Muxtar İdarəsindən verilən açıqlamada dünən yerli vaxtla saat 08:00 radələrində baş verən yanğında Huelva Universitetində təhsil alan 21 yaşlı 3 tələbənin evdə huşsuz vəziyyətdə olduğu bildirilib. Xəstəxanaya aparılan tələbələr bütün müdaxilələrə baxmayaraq dünyasını dəyişib. Hadisə şahidləri mənzildə qısa müddətdə yayılan alovdan 7 nəfərin xilas olduğunu, 3 nəfərin isə köməksiz vəziyyətdə qaldığını bildirib. Yanğının zaldakı qızdırıcıdan başladığı düşünülsə də, hadisə ilə bağlı araşdırmalara başlanılıb.
7NEWS.az
