"22 iyul - Milli Mətbuat Günü Azərbaycan tarixinin və təqviminin ən önəmli günlərindən biridir. Bu münasibətlə mən bütün jurnalistləri, media əməkdaşlarını ürəkdən təbrik edirəm! "Əkinçi"dən hazırki dövrə qədər 150 illik şərəfli yol keçən milli mətbuatımız hər zaman xalqımızın həqiqətlərini dünyaya çatdırıb, 44 günlük Vətən Müharibəsində isə əsl vətənpərvərlik və peşəkarlıq nümayiş etdirib.” - 7NEWS.AZ xəbər verir ki, bu fikirləri Demokratik Maarifçilik Partiyasının sədri, Milli Məclisin deputatı Elşən Musayev bildirib. "Ulu Öndər Heydər Əliyev də, cənab Prezident İlham Əliyev də media və mətbuata hər zaman xüsusi diqqətlə yanaşıblar və jurnalistlərin rahat, problemsiz fəaliyyət göstərməsi üçün bütün şəraitləri yaradıblar. Və həmin şəraitin, qayğının nəticəsidir ki, bu gün ölkəmizdə söz və mətbuat azadlığı tam təmin edilib, jurnalistlərin sosial müdafiəsi maksimum gücləndirilib. Çox dəyərli media nümayəndələrini, bu sahədə fəaliyyət göstərən əziz bacı və qardaşlarımızı, dostlarımızı bir daha təbrik edirəm! – deyə Partiya sədri fikirlərnə davam edib.
