"Erməni lobbisinin xaricdə qərarlaşan və sülənən fəalları, onların revanşist, faşist ruhlu təbliğatçıları bir şeyi anlamalıdırlar ki, beynəlxalq təşkilatlara ötürülən donoslar, müvəqqəti ələ alınan siyasətçilər əsla və əsla həqiqəti, reallığı dəyişdirə bilməz! Bu nadürüstlər bir gerçəkliyi yekə qulaqlarına sırğa eləməlidirlər ki, hazırda regionun ən güclü dövləti Azərbaycandır və bundan sonra bütün qlobal mövzularla bağlı diktə edən tərəf də məhz Azərbaycan olacaq.” – 7NEWS.AZ xəbər verir ki, bu fikirləri Demokratik Maarifçilik Partiyasının sədri, Milli Məclisin deputatı Elşən Musayev bildirib.
"Ermənistanın, onu idarə edənlərin hazırda tək hədəfi, tək məqsədi sülh barədə düşünmək olmalıdır. Və əgər onlar sülhü deyil, davamlı təxribat yolunu seçsələr, o zaman ən böyük pisliyi özlərinə edəcəklər və daha da bərbad günə qalacaqlar.” – deyə Partiya sədri fikirlərinə davam edib.
