7NEWS.az xəbər verir ki, Çinin şimalında isti dalğası davam edir. Çinin Milli Meteorologiya Mərkəzi paytaxt Pekində hava istiliyinin yerli vaxtla saat 14.30-da 40,7-yə yüksəldiyini açıqlayıb. Təxminən 22 milyon əhalisi olan paytaxtda havanın temperaturu 2014-cü il mayın 29-dan bəri ilk dəfə olaraq 40 dərəcəni keçib və iyun ayının temperatur rekordu qırılıb. Pekinin şimal-şərqindəki Tanqekou şəhəri cümə axşamı ölkənin ən isti nöqtəsi olub, termometrlər 41,8 dərəcə Selsi göstərib.
7NEWS.az
