"Türkiyə və Suriya xalqlarına son dərəcə zəruri və təcili dəstək vermək üçün konteyner evlərimizi və karvanlarımızı gəmi ilə bu bölgəyə göndərmək qərarına gəldik", - Qətər səlahiyyətliləri bildirib.
7NEWS.az xəbər verir ki, Qətər rəsmiləri, Dünya Kubokunda istifadə edilən 10 min konteyner ev və karvanın Maraş mərkəzli zəlzələlər nəticəsində dağılan Türkiyə və Suriyaya göndəriləcəyini bildirib. Qətər rəsmisi AFP-yə deyib: "Türkiyə və Suriyadakı təcili ehtiyacı nəzərə alaraq, Türkiyə və Suriya xalqlarına son dərəcə zəruri və təcili dəstək vermək üçün konteyner evlərimizi və karvanlarımızı bu bölgəyə göndərmək qərarına gəldik".
7NEWS.az
