Şamaxı rayonunda zəruri tibbi profilaktik və sosial tədbirlər davam etdirilir - FOTOLAR

OXUNUB: 1140 GÜNDƏM SOSİAL

Şamaxı rayonu ərazisində koronavirus (COVID-19) infeksiyasının yayılmasının qarşısını almaq məqsədilə karantin rejimi çərçivəsində qabaqlayıcı və sosial izolyasiya tədbirləri davam etdirilir. Karantin rejimində xüsusi qayğıya ehtiyacı olan aztəminatlı ailələrə rayon icra hakimiyyətinin təşəbbüsü ilə yardım göstərilir.
   Şamaxı Rayon İcra Hakimiyyətinin əməkdaşları yaşı 65-dən yuxarı ahıl, kimsəsiz şəxslərə, həmçinin aztəminatlı və imtiyazlı ailələrə baş çəkərək onlara ərzaq yardımı və maskalar paylayıblar. Bu nəcib təşəbbüsü razılıqla qarşılayan sakinlər göstərilən diqqət və qayğıya görə dövlətmizə minnətdarlıqlarını bildiriblər.
   Rayonun bütün yaşayış məntəqələrində fəaliyyət göstərən mobil qruplar mütəmadi olaraq vətəndaşlarla maarifləndirici söhbətlər aparmaqla yanaşı, onların mövcud problemlərinin  həlli üçün onlara müvafiq köməklikləri göstərirlər.
   Rayon ərazisində infeksiyanın yayılmasının qarşısının alınması məqsədilə sanitar-təmizlik, tibbi-profilaktik və dezinfeksiya işləri də davam etdirilir.

RƏYLƏR