Türkiyədə sərnişin qatarının qəzası nəticəsində ölənlərin sayı 24-ə çatıb. Bu haqda baş nazirin müavini Rəcəb Akdağ bildirib.
Səhiyyə naziri Əhməd Dəmircan isə jurnalistlərə açıqlamasında qəzadan sonra 338 nəfərin xəstəxanalara aparıldığını bildirib. Onlardan 194-ü ilkin tibbi yardımdan sonra evə buraxılıb. Nazir 124 nəfərin isə hələ xəstəxanalarda müalicə aldığını deyib.
Qatarda 362 sərnişin olub.
***
Səhiyyə Nazirliyi qəza nəticəsində 10 nəfərin həyatını itirdiyini, 73-nün yaralandığını açıqlayıb. Tekirdağ valisi Mehmet Ceylan isə əlverişsiz hava şərtlərinin qəzanın səbəbi olduğunu söyləyib. Onun sözləırinə görə, Çorlu yaşayış məntəqəsi yaxınlığında leysan yağışlarının yağması nəticəsində relslərin altındakı torpaq yuyulmuşdu.
***
Türkiyədə Kapıkule-İstanbul səfərini edən sərnişin qatarı Tekirdağ vilayətinin Çorlu mahalı yaxınlığında relsdən çıxıb.
5 vaqon aşıb.
Hadisə nəticəsində çoxlu sayda yaralanan və ölənlərin olduğu bildirilir.
İcmal.Az
