ABŞ-ın hərbi texnika ixracı 2022-ci maliyyə ilində təxminən 49 faiz artaraq 205,6 milyard dollar təşkil edib.
7NEWS.az xəbər verir ki, ABŞ Dövlət Departamenti 2022-ci maliyyə ili üçün silah transferləri və müdafiə ticarəti ilə bağlı məlumatları paylaşıb. Müvafiq olaraq, 2022-ci maliyyə ilində ABŞ şirkətləri tərəfindən hərbi texnikanın birbaşa satışı 48,6 faiz artaraq 153,7 milyard dollara çatıb. Eyni dövrdə ABŞ hökuməti vasitəsilə hərbi texnikanın satışı əvvəlki maliyyə ili ilə müqayisədə 49,1 faiz artaraq 51,9 milyard dollara çatıb.
Belə ki, ABŞ-ın hərbi texnika ixracı 2022-ci maliyyə ilində 48,85 faiz artaraq ümumilikdə 205,6 milyard dollara çatıb.
ABŞ-ın 2021-ci maliyyə ilində xarici ölkələrə hərbi texnika satışı 138,2 milyard dollar təşkil edib.
7NEWS.az
