ABŞ-ın İllinoys ştatının LaSalle şəhərində kimya fabrikində yanğın baş verib. Alov sürətlə yayıldığı üçün səmanı sıx tüstü bürüyüb.
7NEWS.az xəbər verir ki, əraziyə yanğınsöndürənlər göndərilib. Polis fabrikdən yaşıl oksidləşdirici maddənin buraxıldığı barədə ictimaiyyətə xəbərdarlıq edərkən, onlardan sözügedən maddəyə toxunmamaq və ərazidən uzaq durmaq istənilib. Şirkətin açıqlamasına görə, bütün işçilər təxliyə edilərkən, xəsarət alan olmayıb. LaSalle Yanğınsöndürmə Müdiri Cerri Canik bildirib ki, fabrikə böyük ziyan dəyib və uzun səylərdən sonra yanğın nəzarət altına alınıb.
Nəqliyyat hissəsində baş verən yanğının səbəbi məlum olmasa da, hadisə ilə bağlı araşdırmalara başlanılıb.
7NEWS.az
