Keniya prezidenti Uilyam Ruto bildirib ki, ölkəsi gələn il təxminən 40 dollara smartfon istehsalına başlayacaq.
7NEWS.az xəbər verir ki, Ruto Milli Ticarət və Sənaye Palatasının paytaxt Nayrobidə təşkil etdiyi yığıncaqda Afrikada ən ucuz smartfonların istehsal olunacağı yer Keniyanın olacağına söz verib. Ruto, telekommunikasiya şirkətləri ilə danışıqlar apardıqlarını və 5 min Keniya şillinqindən (təxminən 40 dollar) aşağı qiymətə lazım olan hər xüsusiyyətə sahib smartfonlar istehsal edəcəklərini iddia etdi.
Prezident Ruto həmçinin yaxın gələcəkdə dövlət xidmətlərinin 90 faizini rəqəmsal platformalara köçürməyi planlaşdırdıqlarını bildirib. Yerli smartfonlar əvvəllər Afrikada Ruanda və Cənubi Afrikada istehsal olunurdu, lakin Cənubi Afrikada istehsal edən şirkət bu il öz fabrikini satışa çıxarıb.
7NEWS.az
