7NEWS.az xəbər verir ki, Meksikanın Çihuahua əyalətinin Syudad Xuarez şəhərindəki həbsxanaya silahlı basqın nəticəsində ölənlərin sayı artıb. Meksikanın Təhlükəsizlik və Vətəndaşların Müdafiəsi naziri Rosa Icela Rodriguez verdiyi açıqlamada dünənki basqın zamanı 10-u mühafizəçi və 7-si məhbus olmaqla cəmi 17 nəfərin həyatını itirdiyini, 15-inin yaralandığını, 25 məhbusun isə qaçdığını bildirib. Qaçan məhbuslar arasında Los Mexicles silahlı cinayət sindikatının lideri "El Neto" da var. Səlahiyyətlilər basqına qatılan 5 silahlının həbs edildiyini, basqın sonrası təqibdə 2 cinayətkarın təhlükəsizlik qüvvələri tərəfindən zərərsizləşdirildiyini açıqlayıb.
