Superqəhrəman "Thor”un ulduzu, avstraliyalı aktyor Chris Hemsvorth, Alzheimer riskini 10 dəfə artıran bir genin olduğunu öyrəndi. 39 yaşlı aktyor bu səbəbdən aktyorluğa ara verəcəyini açıqlayıb.
7NEWS.az xəbər verir ki, superqəhrəman "Thor”a həyat verən Chris Hemsvorthun pərəstişkarlarını üzəcək xəbəri var. Ulduz aktyor bir müddət film və serial çəkilişlərinə ara verəcəyini açıqlayıb. Buna səbəb aktyorun genetik olaraq Alzheimer xəstəliyinə meylli olduğunu aşkar etməsidir. Avstraliyalı aktrisa "Limitless" filminin çəkilişləri zamanı keçirdiyi qan testi ilə genin onda olduğunu öyrənib. Sənədli film uzun ömürdən bəhs edirdi. Məlum olub ki, Hemsvot hər iki valideynindən "a-p-o-e-4” genini miras alıb və bu, onun Alzheimer xəstəliyinə tutulma şansını artırır.
7NEWS.az
