"AzTV-də 90-cı illərlə bağlı zəngin arxiv var. Niyə Real TV bu kadrları göstərir, amma dövlət televiziyası göstərmir?" Axar.az xəbər verir ki, bu sözləri Milli Məclisin deputatı Elman Məmmədov 19 oktyabr qanunsuz mitinqlərlə bağlı YAP-da keçirilən toplantıdakı çıxışı zamanı deyib. Deputatın sözlərinə görə, 90-cı illərin əvvəllərində gedən proseslər, hakimiyyətdəki dartışma, boğuşma, Milli Məclisdəki davalar, qanunsuzluqlar, korrupsiya, müxalifətin Azərbaycan xalqını satması faktları, əvvəl müxalifətdə olub, sonra iqtidara keçən şəxslərin Əbülfəz Elçibəyin yanında qatıldığı toplantılarla bağlı arxiv materiallar var: "Qoy bunları bütün gün ərzində təkrar-təkrar televiziyada nümayiş etdirsinlər ki, o dövrün şahidi olan şəxslər xatırlasın, gənclər isə tarixə əyani baxa bilsinlər”.
