ABŞ-ın keçmiş prezidenti Barak Obama "Our Great National Parks” (Bizim Böyük Milli Parklarımız) sənədli filminə görə "Emmy” mükafatı alıb. Obama "Emmy” mükafatı alan ikinci ABŞ prezidenti oldu.
7NEWS.az xəbər verir ki, ABŞ-ın keçmiş prezidenti Barak Obama "Netflix”in "Our Great National Parks” sənədli filmindəki hekayəsinə görə "Emmy” mükafatı alıb. Daha əvvəl iki dəfə "Grammy” mükafatını qazanan Obama "EGOT” olmaq üçün yolun yarısını keçir. EGOT "Emmy”, "Grammy”, ”Oscar” və "Tony” mükafatlarının dördünü də almış şəxslərə aiddir. Obama həm də "Emmy” mükafatı alan ikinci Amerika prezidenti oldu.
7NEWS.az
