Ramil Həsənin təşəbbüsü ilə növbəti dəfə “Novruz” yardım aksiyasına start verildi

OXUNUB: 1240 GÜNDƏM Özəl SOSİAL
Azərbaycan Respublikası Milli Məclisinin deputatı, Qərbi Azərbaycan İcmasının İdarə Heyətinin sədr müavini Ramil Həsənin və "TUİB” İdarə Heyətinin sədri Hüseyn Büyükfıratın  təşəbbüsü ilə yaradılan "Tək millət, Tək ürək” Beynəlxalq Qardaşlıq Platformasının, eyni zamanda Trabzonlu İş Adamları Platformasının və xeyirsevər insanların dəstəyi ilə Novruz bayramı ərəfəsində  Ucar rayonunda "Novruz” yardım aksiyasına start verilib. Belə ki, öncədən hazırlanmış siyahıya və müraciətlərə uyğun olaraq  Ucar rayonunun müxtəlif kəndlərində və rayon mərkəzində yaşayan yüzlərlə şəhid və qazi, tənha və kimsəsiz, eyni zamanda aztəminatlı ailələrə bayram sovqatları çatdırılacaq, eyni zamanda onların narahatlıqları və hazırda üzləşdikləri problemlərlə maraqlanılacaqdır.

Xoşməramlı təşəbbüsə qoşularaq dəstək verən xeyirsevər insanlara dərin təşəkkürümüzü ifadə edirik.

Onu da qeyd edirik ki, millət vəkili Ramil Həsənin təşəbbüsü ilə əlamətdar günlərdə müxtəlif formalarda aksiyalar həyata keçirilir, şəhid və qazi, tənha və kimsəsiz, eyni zamanda aztəminatlı ailələrə mütamadi olaraq baş çəkilir, dəstək verilir.
 
 






RƏYLƏR