7NEWS.az xəbər verir ki, Somalinin paytaxtı Moqadişoda prezident sarayının yaxınlığında dövlət rəsmilərinin istifadə etdiyi "Villa Rose” oteli dünən axşam saatlarında "Əş-Şəbab” terror təşkilatının hücumuna məruz qalıb. Oteldə qalan hökumət rəsmilərinin silah və bomba hücumundan pəncərədən qaçaraq xilas olduqları bildirilir. Polis məmuru Mohammed Abdi verdiyi açıqlamada silahlıların oteldə təhlükəsizlik qüvvələri tərəfindən mühasirəyə alındığını və əməliyyatın davam etdiyini bildirib. Aralarında hökumət rəsmiləri də daxil olmaqla çox sayda insanın yaralandığını bildirən Abdi, 4 nəfərin həyatını itirdiyini açıqladı. Hadisədən sonra şuranın iclasının təxirə salındığı açıqlanıb.
