"Bunun axırı hara gedir?" — 32 OKTYABR + VİDEO

OXUNUB: 1580 Özəl Seçilmiş Önəmli İQTİSADİYYAT
Bəzi qida istehsalçılarının vaxtı keçmiş məhsullarının üzərinə yenidən tarix vurması, istehsal tarixini bilərəkdən qabağa çəkməsi və sair bu kimi faktlar dəfələrlə aşkarlanıb.
"7news.Az" ARB TV-yə istinadən xəbər verir ki, başları o qədər pul qazanmağa qarışan belə dırnaqarası istehsalçılar bu dəfə aya yeni gün əlavə ediblər - 32-ci gün.

Paytaxtda istehsal olunan un məhsulunun istifadə müddəti ilə bağlı ortaya çıxan məqam böyük təəcübə səbəb olub. Gülüş doğuran məqam sosial şəbəkələrdə geniş müzakirə mövzusu olub, belə ki, bəzi sahibkarlar oktyabra bir gün də əlavə ediblər. Kəşflərini isə şirniyyatın qablaşdırdıqları vasitənin üzərində elan ediblər.

Un məmulatının üzərində istehsal tarixi kimi 32 oktyabr 2018-ci il yazılıb.

Eyyub Hüseynov - Ekspert: "Bizə gələn nümunələr içərisində fevralın 30-da istehsal olunan məhsullar da var. Tutaq ki, ayın ikisidi, istehsal tarixini dördünə yazırlar. İstehlakçıları aldadırlar". 



SAKIN: "PENDIR ALMIŞAM, EVƏ GƏLƏNDƏ BAXIB GÖRMÜŞƏM KI, XARABDIR".
Sakin: "Camaat zəhərlənə bilər. Bunun axırı hara gedir?". 

Sakin: "Marketlərdə də, balaca maqazinlərdə də başıma gəlib, görmüşəm". 

Eyyub Hüseynov - Ekspert: "İstehlakçı zərər görübsə, İstehlakçıların Hüquqlarının Müdafiəsi Haqqında Qanunun 26-cı maddəsinə əsasən məhkəmə iddiası qaldıra bilər".

Qanuna görə istehsal müddəti bitmiş və ya mənşəyi bilinməyən məhsula görə, sahibkara 1500 manat cərimə nəzərdə tutulur. Təqvimə yeni gün əlavə edən bu cür istehsal müəssələri üçün ən böyük cərimə isə itirilən etibardır.


RƏYLƏR